Chat With Me..

Monday, June 14, 2010

Kini Penungga...???

Dunya makin mansang, penemu pen makin mansang, ulah & perangai pen sereta mansang…pemansang dalam pengidup kitai sigi endang patut kelebih agi enti pemansang nya mai ka pemanah ngagai pengidup kitai. Tang enti pemansang ka digaga tauka dikereja kitai nya nadai meri pemanah, nadai pulai ka penguntong, nyadi pemansang nya enggai nyadi terus dikemansang ka agi.

Sebedau ngerintai ka jaku panjai agi, dulu aku minta ampun ngagai semua kita enti jaku/randau aku tu bisi ngait/nyangkut ati kita, bisi ngasuh kita enseriban ati tauka ngasuh ati kita enda nyamai...randau tu mega ukai ka nyalah ka sapa-sapa kelebih agi sida ka rebak baru diatu, ukai mega ka nyalah ka sida 100%...minta ampun sekali agi.

Utai ka deka dikenang aku enggau semua kitai ianya bekekang ka JAKU IBAN, ADAT IBAN & MAIN ASAL IBAN...tau dipeda anembiak rebak baru diatu, berapa mayuh sida ka landik & pandai bejaku Iban? Berapa iku sida ka nemu main asal kitai Iban?? Berapa iku sida iya nemu tauka mereti ka adat kitai Iban??? Aku ukai ka madah kadiri nemu semua utai tu tang ka ngelansa mimit penemu diri aja.

Ba pengelandik Jaku Iban, jaku Iban meh siti ari bansa jaku ba dunya tu ka chukop manah tauka unik ari jaku bansa bukai...kabuah aku madah munyi nya, laban jaku Iban ngembuan mayuh macham bansa jaku, kitai bisi Jaku Dalam, Jaku Sempama, Jaku Kelaong, Jaku Silup enggau mayuh macham jaku ka bukai....Tang semua utainya nadai reti enti enda dikemansang lalu punas dudi hari ila. Mayuh amat anembiak Iban rebak baru diatu kurang bejaku Iban, sida landik tauka nemu agi bejaku ribai & jaku laut, ukai ka nyebut pengelandik nya salah tang enti enggau bansa diri agi ga bejaku bansa bukai, utainya bisi nyelaie mimit dipeda/didinga aku.

Ba pengelandik dalam Main Asal kitai Iban, mayuh amat main asal kitai Iban udah enda dimain ka kitai agi diatu...ambi ka banding baka Pantun, Beganu, Beramban, Nimang, Bedungai & begiga Entelah. Main asal tu dipeda aku makin nadai/punas, mina bisi didinga ba radio aja. Kelimpah ari nya, main asal ka bukai nyau ka punas ka dipeda aku ianya Ngajat & Betaboh. Maya ka ngintu Hari Gawai apin lama tu tadi, aku berasai ringat sereta pedis ati meda kitai Iban di rumah panjai nyau kelalu mansang dalam dunya teknologi..kabuah aku pedis ati laban pemansang nya nyau ngerugi ka bansa kitai Iban empu...ka ngajat nyau enggai betaboh agi laban ka udah bisi VCD dipasang, bisi sekeda enggai ngajat laban ka bedisko, ka bepoco-poco & ka belagu (kahuke)...enda ibuh sebut urang ka anembiak, urang tuai ka diatu pen nyau enggai betaboh, sida rindu agi bepoco-poco, nyau sekayu rumah panjai sida ka tuai nemu/landik bepoco-poco (ngalah sida ka anembiak).. Kati patut dikemansang ka agi pemansang bakatu???? Enti betaboh nyau enggai, ngajat pen nyau enggai, bakani ka ngetan ka main asal kitai Iban ka dudi hari ila????

Ukai ka muji diri, aku chukop gaga ati enti ditarit/dibatak urang ngajat tang aku tusah ati enti dasuh urang ngajat bekena ka VCD.. Tawak, engkrumong, bebendai & gendang/bidap ditusun manah ba bilik tang enti enda dikena, enda ditaboh pen nadai guna...pereka utai tu sigi endang patut disimpan nyadi ka pesaka (nyadi ka pengeraja keno ko sekeda) tang nadai salah enti utai tu dikena betaboh maya Hari Gawai laban maya nya meh kitai ngintu pengerami bansa Iban tang ukai bansa urang bukai.

Bekenang ba Adat Iban, kitai Iban ngembuan chukop mayuh adat kelebih agi adat ba rumah panjai, ambi ka banding baka Adat Ngelalu Ka Temuai, Adat Ngintu Pemati (Niki Ka Bangkai, Nurun Ka Bangkai, Ngetas Ulit, Nyungkop, Muai Entebalu...), Adat Mandi Ka Anak Mit, Adat Bebelah Pinang, Adat Ngemai Anak Ke Ruai enggau adat-adat ke bukai. Dipeda aku mayuh amat adat kitai Iban tu nadai agi kena tauka kurang agi dikena, baik di rumah panjai tauke di nengeri. Mayuh urang madah, adat-adat lama kitai Iban enda tau dititih/dikena ka agi kategal udah bisi pengarap baru (Kristian) tang ba penemu aku adat-adat tu nadai salah dititih/ditunda tang kitai tau ngena chara besembiang, ngena leka sampi sembiang, nyadi utainya enda/nadai belaban enggau pengarap Kristian.

Sapa ulih ngemansang & ngetan ba Jaku Iban, Adat Iban & Main Asal Iban enti enda bansa kitai empu. Suah kitai nyebut jaku tu, ”nadai tuboh sida ka tuai ganti enggau tuboh kami...” tang leka jaku nya nadai mai reti enti enda dikereja, anang aja mina ”mulut nyebut tang patung enda nyaut”. Anang nyalah ka sapa-sapa nyema Jaku Iban, Adat Iban & Main Asal Iban nyau punas dudi hari ila tang dulu nyalah kadiri empu...kitai empu ka enggai ngemansang ka pengelandik bansa diri, bakani urang bukai ka ngemansang ka bansa kitai???

Ujong jaku ari aku, sekali agi aku minta ampun nyema randau/jaku aku tu ti ngasuh ati kita ringat tauka pedis ati...

Tuesday, May 4, 2010

Pengawa Puang (kereja kusong)

Nuju bala kitai ka benung tauka agi begiga ka kereja…kompeni endur aku gawa diatu benung bisi pengawa puang tauka benung ngiga kuli...

1. System Analyst (1)
• Bisi diploma tauka digri ba kempita sains/network/IS.
• Bisi pengelandik dalam ”programing language” .
• Bisi peneleba gawa dalam pengelama 1-3 taun.
• ”Fresh graduate” mega tau enggau minta pengawa tu.

2. Plant Supervisor (1)
• Ngembuan pelajar ambis baruh SPM tauka SPMV tauka SPTM.
• Bisi sijil ba bidang Teknikal.
• Bisi peneleba gawa dalam pengalama 2-5 taun.
• Ulih gawa ngati kadiri sereta ulih trabeling.

3. Assistant Plant Supervisor (2)
• Ngembuan pelajar ambis baruh SPM tauka SPMV.
• Bisi sijil ba bidang Teknikal.
• Bisi peneleba gawa dalam pengalama 2-3 taun.

4. Quality Controller (3)
• Ngembuan pelajar ambis baruh SPM tauka SPMV.
• Bisi sijil ba bidang Teknikal.
• Bisi peneleba gawa dalam pengalama 1-3 taun.
• Ulih gawa ngati kadiri sereta ulih trabeling.

5. Technician (1)
• Ngembuan pelajar ambis baruh SPM tauka SPMV.
• Bisi sijil ba bidang Teknikal.
• Bisi peneleba gawa dalam pengelama 1-3 taun.

6. Storekeeper (1)
• Ngembuan pelajar ambis baruh SPM.
• Bisi peneleba gawa dalam pengelama 1-3 taun.

7. Clerk
• Ngembuan pelajar ambis baruh SPM.
• Bisi peneleba gawa dalam pengelama lebih ari setaun.

8. Driver (2)
• Ngembuan pelajar ambis baruh SRP/PMR.
• Bisi peneleba gawa dalam pengelama lebih ari setaun.

9. Operator
• Nemu nulis enggau macha.

10. General Worker
• Nemu nulis & macha.


p/s : Bala kita ka bisi ati deka enggau minta pengawa ba datas nya, kita tau email ngagai aku resume & batang gaji ka dipinta kitai nuju ijaulelayang@ymail.com tauka talipaun ngagai talipaun binching aku ba lumor 014-5990678....aku enggau nangka ulih nulong bala kita tang ukai nyamin kita gerenti bulih kereja ka dipinta...nya aja ari aku terima kasih.

Tuesday, March 30, 2010

PROGRAM EXPRESS MENJANA WANG





























Akhirnya, satu rahsia buat duit
dengan senang dari rumah
dibongkar!!!


"Siapa Lagi Mahu Memperolehi WANG SEGERA RM1000 - 2000.00 SEMINGGU - Hanya Secara Sambilan Dari Meja Makan Di Rumah TANPA Berjumpa Atau Bercakap Dengan Sesiapa!"


Pertama sekali saya ingin menyatakan yang saya merupakan salah seorang daripada peserta PROGRAM EXPRESS ingin menyampaikan TAHNIAH, kerana Anda sungguh bertuah dan terpilih menjadi orang pertama yang mendengar KHABAR LUAR BIASA ini. Namun KHABAR LUAR BIASA yang ingin saya berikan ini hanya diberikan kepada yang betul-betul SERIUS. Serius yang macam mana?? Serius yang dimaksudkan, adalah individu yang betul-betul ingin mengubah gaya hidup ke arah kehidupan yang lebih selesa dan mempunyai kebebasan kewangan.


Anda sebenarnya dibawa melangkah ke satu peluang yang bakal menyelesaikan masalah kewangan dengan peluang hebat yang kami jalankan! Dengan berbekalkan sistem hasil ilham Prof. Datuk Dr. Farid Ismail (seorang jutawan) yang lengkap serta mudah, anda kini mampu merealisasikan impian anda bersama kami di KRISTALKARISMA.NET.

Bertindak adalah satu keperluan. Tidak ada kejayaan dengan angan-angan. Jika anda betul-betul serius untuk mengubah kehidupan anda ke arah yang lebih baik, kami menunggu anda di sini, mulakan langkah pertama anda dengan MENDAFTARKAN diri anda dan nikmatilah pendapatan lumayan tanpa had, dimana anda yang tentukan sendiri berapa banyak yang anda inginkan.

Jika anda sedang tercari-cari satu peluang yang sungguh mudah dan memberikan pendapatan LUMAYAN, Laman Web ini akan mendedahkan semuannya dan anda pasti akan terperanjat besar dengan hasilnya!!

Cuba anda bayangkan...
Setiappagi, daripada kelam kabut pergi kerja untuk menjadikan orang lain lebih kaya, anda hanya duduk berehat di rumah sambil membaca surat khabar dan menikmati kopi. Beberapa jam kemudian posmen datang dengan membawa beberapa pucuk surat kepada anda.
Dengan penuh perasaan ingin tahu, anda membuka surat tersebut dan pastinya anda tersenyum lebar kerana anda baru sahaja menerima puluhan keping wang pos bernilai RM5.00, RM10.00 dan RM30.00 setiap satu pada hari itu tanpa berjumpa atau bercakap dengan sesiapa pun. SUNGGUH AJAIB!!


Rahsia Kejayaan Dibongkar!!


Adalah penting untuk anda memahami bahawa Rahsia Kekayaan di atas bukanlah satu fantasi dan bukan juga satu silap mata. Ianya adalah satu program hebat yang dipanggil PROGRAM EKSPRESS. Apa itu Program Ekspress??

Jika anda berminat ingin tahu, saya tidak keberatan untuk berkongsi dengan anda. Namun ingin saya tekankan di sini, Program Ekspress ini hanya untuk mereka yang ingin bebaskan hidup mereka daripada HUTANG. Jika anda tidak pernah ada hutang atau telah melangsaikan semua hutang seperti hutang bank, kredit kad, hutang pengajian dan sebagainya, juga anda tidak mempunyai sebarang masalah kewangan...., maaf dari kami, laman web ini bukan untuk anda. Tetapi walaubagaimanapun, PROGRAM ini juga berguna bagi anda yang betul inginkan atau idamkan sesuatu kelainan dalam hidup anda.


Program Ekspress ini adalah hasil ilham Prof. Dr. Farid Ismail (Bekas Pensyarah UIA) dan telah berjalan selama 4 tahun yang lalu. Di kendalikan oleh Syarikat berdaftar Kristal Karisma Enterprise (Plan A) dan World Heritage Resource (Plan B), berjalan secara offline sepenuhnya dengan pusat operasi utama di Seksyen 7, Shah Alam. Formula yang luar biasa ini telah melahirkan ramai JUTAWAN WANG POS di Malaysia.

Sebahagian daripada Peserta Program Ekspress yang telah menerima WANG POS
Inginkah anda menjadi sebahagian daripada mereka? Tanpa perlu mencari atau menaja orang, tanpa perlu maintain, tanpa perlu menjual dan pastinya tiada produk. Bunyinya macam pelik bukan?? tetapi realitinya telah ramai yang mengecapi kemanisan hidup tanpa hutang hasil Program Ekspress ini.


Adalah penting untuk anda ketahui bahawa program ini bukanlah MLM, Piramid, Binari mahupun Skim Cepat Kaya. Program hebat ini hanya untuk mereka yang benar-benar ingin melangsaikan hutang piutang dan menambah hasil pendapatan bulanan. Jika anda salah seorang daripadanya, tunggu apa lagi... Daftarlah dengan segera.

Maaf.., keterangan lanjut hanya untuk mereka yang betul-betul berminat dan serius untuk berubah sahaja, untuk itu anda perlu SMS/TEL. Nama anda kepada saya 014-5990 678. Kami ada sebab tersendiri kenapa tidak dijelaskan di sini kesemuanya ataupun mengirim keterangan lanjut ini ke email anda.








Penafian: Laman web ini adalah milik peribadi. Admin adalah salah seorang peserta Program Ekspress kendalian Kristal Karisma Enterprise dan bukan kakitangan atau pemilik Syarikat

Saturday, March 13, 2010

Nuju bala sida ka nadai kereja tauka benung begiga ka kereja….ba baruh tu sedeka bagi kereja tauka pengawa puang ka bisi ba kompeni endur aku bekereja…ngagai kita ka rindu ka pengawa tu tauka bala kita empu ka bukai bisi ati ka enggau bepinta ka pengawa tu, kita tau email “resume” kita ngagai email aku…. ijaulelayang@ymail.com

Sama ada kita bulih kereja tu tauka enda, nya aku enda ulih jamin tang aku enggau nangka ulih nulong bansa kitai ngambika sama bela bisi kereja baka urang bukai. Ngagai bala kita ka ngasai ka diri ulih enggau bepinta ka pengawa tu, anang enggai nguji minta meh….

Nulong bansa ngena duit ringgit angka aku enda ulih tang tu meh siti ari jalai/chara aku nulong bansa kitai begiga ka pengawa...

Pengawa Puang..

1. Site Manager
- Degree in Civil Engineering with 15 years experience.

2. Project Engineer
- Degree in Civil Engineering with 5-10 years experience.

3. Accountant
- Degree in Accounting with 5 years experience.
- Member of Malaysian Institute of Account.

4. Assistant Data Analysist
- Degree or Diploma in Computer Analysist or Programming with 1-2 years experience
- Fresh graduate also encourage to apply.

5. Assistant Accountant
- Diploma in Accounting with 3-5 years experience.

6. Accountant Officer
- Diploma in Accounting/LCCI Intermediate/CAT with 3-5 years.
- Fresh graduate also encourage to apply.

7. Assistant Plant Supervisor
- SPM with 2-3 years working experience in manufacturing.

8. Account Clerk
- SPM with 1-2 years working experience in accounting.

9. General Clerk
- SPM with 1-2 years working experience in clerical work.
- Computer literate.

10. Technician
- SPM with 1-2 years working experience.

11. Safety Driver

12. Safety Guard


Ka nemu utai tu enggau silik agi, kitai tau betalipaun ngagai aku ba lumor 014-599 0678...SMS enda diterima...

Mina sida ka “layak” aja deka dikangau interbiu.

Monday, February 22, 2010

Indai ; Mak ; Mummy ; Mama....

Urang madah aku ada ari perut indai..
(urang bukai madah…nya endang betul)

Maya aku aus, iya ka nusu ka aku… indai
Maya lapar, iya ka nyapi aku… indai
Maya aku kadiri, iya ka suah berimbai aku… indai
Ko indai, leka jaku keterubah disebut aku… indai
Maya aku dani, aku ngiga… indai
Maya nyabak, urang keterubah datai ngaum aku… indai
Maya ka gauk, aku damping enggau… indai
Maya ka dudok, aku dudok sepiak… indai
Maya tusah ati, iya ka nundok ka aku mina… indai
Maya manchal, iya ka ngerara aku… indai
Maya ringat, iya ka mujuk aku… indai
Maya ngaga utai salah, iya ka jampat nganu… indai
Maya takut, iya ka nenang ka aku… indai
Maya ka beberap, iya ka paling rindu merap aku… indai
Aku selalu ngenang ka… indai
Maya sinu, aku misti talipaun… indai
Maya gaga, urang keterubah dipadah ka aku… indai
Maya irau ati, aku madah ka pengirau ngagai… indai
Maya takut, aku suah ngangau… "indaiii!"
Maya sakit, urang ka paling irau… indai
Maya deka perisa, urang paling kiruh mega… indai
Maya ngaga hal, iya ka dulu nganu aku… indai
Maya bisi penusah, iya ka paling irau… indai
Iya ka agi merap sereta nyium aku sampai ke saritu… indai
Iya ka suah manduk pemakai ka dikerindu aku… indai
Enti pulai ke menua, iya ka suah kiruh begaga utai ulam & lauk bukai… indai
Iya ka suah nyimpan sereta nusun pereka aku… indai
Iya ka suah ngajar aku… indaiIya ka suah muji aku… indai
Iya ka suah mesan aku… indai
Maya ka kawin, urang keterubah endur aku nanya… indai

TANG!!!! Udah aku bisi sulu lalu bisi pengidup kadiri empu…

Maya aku gaga, aku ngiga… sulu
Maya aku tusah ati, aku ngiga… indai
Maya mujor, aku nyerita ngagai… sulu
Maya enda mujor, aku nyerita ngagai… indai

Maya lantang, aku merap ngauk… sulu
Maya enda lantang, aku merap ngauk… indai
Maya ka pemesi, aku raun mai… sulu
Maya kiruh, aku nganjung bala anak ke rumah… indai
Maya nyambut Hari Valentine… Aku meri pemeri ngagai sulu
Maya nyambut Hari Indai… aku mina meri jaku “Selamat Hari Indai”
Suah agi… aku ingat ka sulu aku
Suah agi… mak ngingat ka aku
Tetiap maya… aku tetap talipaun sulu aku
Enda temu kemaya… aku ka talipaun indai

Suah… aku meli ka pemeri ngagai sulu aku
Enda temu kemaya… aku ka meli pemeri ka indai
Berunding meh : "Enti nuan udah ambis belajar lalu udah bekereja… ulih tauka enda nuan ngirum duit ngagai indai? Indai ukai ka minta mayuh… mina RM50 aja udah chukop". Labuh ai mata enti nuan ninga jaku iya…….
Enti indai udah nadai… ”Indaiiiiii, aku sayau ka nuan… aku sayau amat ka nuan…”
berapa iku ka sanggup nyapi indai diri empu….
berapa iku ka sanggup masu muntah indai diri empu….
berapa iku ka sanggup nganti lampin indai diri empu….
berapa iku ka sanggup meresi tai indai diri empu….
berapa iku ka sanggup muai ulat sereta meresi abi telih indai diri empu…
berapa iku ka sanggup badu kereja ngambi ka bisi nyaga indai diri empu…

lalu pengunjong ia, berapa iku ka besembiang ka semengat niang indai diri empu (bagi indai sida ka udah nadai)….

Siku anak merati ka indai iya benung kiruh nyedia ka pemakai kena makai lemai ba dapur lalu nyua ka siti kertas ka ngembuan leka jaku. Indai iya ngendas jari ba kain nyambut kertas nya lalu macha kertas nya… Penyampau upah udah nulong indai :
1) Nulong ke kedai : RM4.00
2) Nulong nyaga madi : RM4.00
3) Nulong muai sampah : RM1.00
4) Nulong ngemas bilik : RM2.00
5) Nulong nanjah bungai : RM3.00
6) Nulong nyapu uras : RM3.00
Penyampau semua tulong : RM17.00
Udah ambis macha kertas nya, indai iya tuchum kadiri malik ngagai anak lalu beperagam dalam ati. Indai nyapai pen lalu nulis genteran leka jaku ba belakang kertas nya.
1) Rega ngandung ka nuan pengelama 9 bulan - PECHUMA
2) Rega enda tinduk kategal nyaga nuan - PECHUMA
3) Rega ai mata ka labuh kategal nuan - PECHUMA
4) Rega pengirau ati kategal irau ka nuan - PECHUMA
5) Rega nyedia ka pemakai, gari enggau pereka kena nuan -PECHUMA
Penyampau Semua Rega Penyayau Aku - PECHUMA
Bekeberai ai mata anak pengudah macha genteran leka jaku ka ditulis indai iya. Anak merening mua indai, merap lalu bejaku, "Aku sayau ka nuan, indai". Udahnya anak ngambi pen lalu nulis "Udah Dibayar" ba kertas ka endur iya nulis.
Berunding meh...ni pemayuh/pemesai pengerindu aku ka indai....

Friday, January 29, 2010

Sapa aku???

Enti nitih ka ajar dalam Gerija tauka ajar/pesan ari apai-indai, semua kitai ka idup dalam dunya tu patut idup manah, badas & bebasa enggau pangan diri. Enti semua kitai dalam dunya tu nitih ka semua ajar/pesan tu, 100% urang dalam dunya sigi nadai belaya, bejai, ngutok, betenah & enggai bepeda enggau pangan diri, semua kitai idup enggau senang sereta lantang…

Apai-indai patut manah enggau bala anak, pia mega bala anak patut bebasa & badas enggau apai-indai…aki-ini patut manah enggau bala uchu-ichit lalu pia mega bala uchu-ichit patut bebasa & badas enggau aki-ini….bala entua patut manah enggau bala menantu lalu menantu patut bebasa sereta badas enggau entua diri..utai tu chukop manah didinga pending sereta manah dipeda mata…apai-indai mega lantang ati enti bala anak sida manah perangai, bisi adat basa sereta nyadi anak ka beguna…

Tang!!! Enti kitai meda dunya ke diatu, semua utai ka disebut aku datas nya bisi udah bebali tauka tekalih…kabuah aku madah munyi tu laban ke diatu, mayuh bala apai-indai nyau jai enggau bala anak lalu bala anak nyau enggai/enda bebasa ka apai-indai…iya ka jai agi, apai-indai sanggup munoh/ngukom anak kandung diri empu & sanggup bebuai ka anak dalam kandung (abortion)….ba penemu aku, utai bakatu enda patut nyadi laban enti apai-indai udah berunding ka bisi anak, retinya sida udah mutus ati ka nerima anak ka dikandung sereta diada ka sida….

Enti ulah apai-indai kandung nyau enda indah-indah baka jelu, kati patut bala anak bebasa & manah enggau sida??? Kitai ka nyadi anak pedis amat ka nyaut tanya tu…bisi madah, “taja sida jai tang sida tetap apai-indai diri empu” lalu angka mega bisi ka madah, “baik apai-indai udah jai enggau anak, ending patut meh anak jai enggau apai-indai”….ka manah bendar, tanya tu patut ditanya ngagai diri kitai empu ka udah nyadi anak...

Bala anak nyau belaya, bebukut & bejamah enggau apai-indai, aki-ini & aya-ibu sampai bisi bala sekeda nyau kempang bebunoh ka apai-indai diri…nama kabuah anak tau ngembuan ulah-pendiau bakatu? Nama kabuah anak jai enggau apai-indai?? Ari ni pun penatai ulah-pendiau anak ka enda manah tu??? Patut tauka enda apai-indai disalah dalam hal ulah-pendiau anak bakatu ????

Enti udah berumahtangga tauka udah kawin, entua nyau belaya, bejaku jai & ngutok bala menantu lalu bala menantu pen bakanya mega….nama kabuah utai tu patut nyadi? Nama kabuah entua perlu belaya enggau menantu ?? Nama kabuah menantu perlu nunda penyai entua ??? Kitai ka udah berumahtangga nemu bakani ka nyaut tanya tu….ba aku, enti kitai udah sanggup nyadi menantu urang bukai, retinya kitai sanggup nerima entua kitai nyadi ka apai-indai lumor 2 dalam ruang bilik kitai, pia mega entua patut sanggup nerima kitai nyadi ka menantu sida…nyadi enti semua utai tu udah bakatu, sigi enda patut laya nyadi dalam ruang bilik kitai ka udah berumahtangga..

Enda puas belaya, bejamah & bejaku jai enggau diri sebilik, laya nyau ngelengkai ngagai laki-bini….laya suah ka nyadi antara apai & indai kategal bala anak…apai enda setuju indai nganu/ngukom bala anak tauka indai enggai meda apai nganu bala anak…pandak jaku, apai enda sepenemu enggau indai…lain ko apai, lain ko indai….dalam ruang bilik ka lantang/bahgia, utai bansa tu enda patut nyadi…..kategal laya ka mit, sampai bisi ka sarak kategal anak mega….kati patut laki-bini sarak kategal tu ? sapa ka untong, sapa ka rugi ?? kati sarak tu ulih nyelesai ka laya ??? Nya alai, apai-indai patut berunding panjai sebedau mutus ati ka sarak enggau pangan diri....

Pandak jaku ari aku pasal semua cherita ba datas nya, tiap-tiap iku kitai dalam dunya tu sama bela ngembuan tanggungjawab diri empu dalam kitai ngerapat ka kaul kitai enggau urang bukai, enda milih urang nya dikelala tau enda dikelala kitai…enti kitai meda, suah agi laya nyadi dalam ruang bilik kitai empu..nya alai, sebedau utai ka berat agi nyadi tauka penusah ka besai agi nuntong ruang bilik kitai, uji meh kitai berunding & ngiga jalai/chara bakani mutar ka utai bakatu ngambi ka enda nyadi…

Aku agi ingat ka siti jaku pesan ari siku bakih aku, ko iya, "apai-indai meh petara dalam dunya tu, laban enti nyadi apai-indai, kitai enda ulih ada ba dunya tu.."

Saturday, January 2, 2010

SRB St. Francis Xavier...sinu ati meda!!!


Sekolah Rendah Bantuan St. Francis Vavier digaga tauka dentak ka urang maya taun 1883 suba, retinya, sekula tu udah 127 taun digaga ba menua pesisir tungga ke Batang Rajang ianya menua ka dikumbai Kanowit. Sekula tu digaga enda jauh ari pasar Kanowit, semina beberapa singkang aja ari pasar Kanowit.

Enggau temegah ati aku madah kadiri chukop gaga ati laban ka udah sereta udah belajar ngiga penemu & pemandai ba sekula ka tau dikumbai sekula chukop "besejarah" tu..kabuah aku ngumbai sekula tu chukop "besejarah" laban sekula tu siti ari sekula ka pengambis lama tauka sekula keterubah digaga ba menua Sarawak, kelebih agi tungga adap ke Batang Rajang. Aku apin besekula ba sekula tu ari primeri 1-6, maya taun 1983-1989 suba...chukop mayuh "pengalaman" manis & pait maya ka besekula maya nya suba, laban aku ka diau ba "asrama"...

Sekula tu udah ngada ka mayuh urang pandai dalam pelajar...bisi sida nya udah nyadi pengajar, nyadi luya, nyadi pegawai perintah, nyadi indu misi sereta mega nyadi YB...terima kasih ngagai urang ribai ka tebuka ati ka niri/gaga sekula tu dulu suba...terima kasih mega ngagai bala pengajar ka udah ngajar ba sekula tu.

Kitai mensia enti udah tuai, selalu disema ka urang "nadai guna" tauka "udah luya"...pia mega enggau pereka utai ka dikena kitai.....tu meh utai ka nyadi ngagai sekula SRB. St. Francis Xavier tu diatu. Kabuah aku madah munyi tu laban sekula tu udah enda diguna/dikena besekula agi laban ka udah bisi rumah sekula ka baru. Sekula tu nyau berupai amat enda dijaga/dintu laban apin lama tu tadi aku bisi pulai ke menua, dia aku berasai sinu amat meda sekula tu nyau repa laban rumput & lalang...nyau baka tembawai lama meh nya...kati utai tu tau nyadi bakanya???

Sekula tu siti ari "bangunan bersejarah" ba menua Kanowit kelimpah ari Kubu Emma...ba penemu aku, "bangunan bersejarah" bakatu, patut digaga nyadi ka siti endur mantai ka utai/pereka lama-lama, ianya muzium....

Utai/pereka lama ukai reti nadai guna....nadai utai ka lama tentu nadai utai ka baru....bepun ari utai lama, bisi utai ka baru....

Sama-sama meh kitai berunding ka utai tu...

Kubu Emma....nyadi tembawai lama!!!

Ari mit suba aku sigi udah meda Kubu Emma tu ba sukut pasar Kanowit...kabuah aku nyebut ba sukut pasar Kanowit laban Kubu Emma tu digaga tauka dentak urang jauh mimit ari pasar Kanowit...

Dulu suba, Kubu Emma tu kala digaga tauka nyadi sekeda upis perintah endur urang begaga ka surat beranak, MyKad (tingki maya nya), surat pemati, surat kawin sereta utai-utai ka bukai...Kubu Emma maya tu, chukop "popular" laban ia siti-siti perintah ka bisi maya nya...mayuh agi cherita sejarah pasal Kubu Emma tu, kelebih agi maya rambau Raja Brooke suba...

Tang diatu, Kubu Emma mina tinggal sejarah aja...Kubu Emma mina tinggal nama, mina tinggal "kenangan"...tau mega dikumbai "udah niang"....sayau pemadu sayau tiap kali aku pulai ke Kanowit, tiap kali meda Kubu Emma....suba nyadi "popular" tang diatu udah nyadi tembawai, udah enda diguna aku....mina rumput & lalang aja ka bisi dipeda "ngibun" Kubu Emma...

Nama kabuah utai ka chukop besejarah bakatu enda dibun tauka digaga tauka dintu awak ka nyadi siti "bangunan besejarah"???